Un Comezo Prometedor para a Tempada de Xabaril
Arrancou a tempada de caza maior no Tecor Terra Chá, e tras o primeiro mes de actividade, xa se poden contar moitas historias de lances entre cans, monteiros e tiradores nos montes da nosa comarca.
Nos últimos anos, moito se leva comentado sobre a posible baixada na poboación de xabarís na zona. Moitas veces baseámonos nas nosas sensacións como cazadores ou rastreadores con cans: hai quen di que se ven menos rastros, e tamén temos a evidencia de que os danos nas fincas baixaron... pero tamén sabemos que as sensacións son iso, sensacións. Para uns sempre hai poucos xabarís, e para outros, coma os agricultores ou gandeiros, sempre son demasiados.
Pero... ¿que nos din realmente os números? Aquí é onde non hai discusión posible: os datos falan por si sós.
📊 Os números da caza nos primeiros días de tempada:
Contando sempre con 10 cuadrillas cada día de caza, estas foron as capturas nos primeiros 4 días de cada tempada:
Tempada |
Xabarís capturados |
20/21 |
63 |
21/22 |
61 |
22/23 |
41 |
23/24 |
67 |
24/25 |
44 |
25/26 |
77 (récord) |
Este ano (tempada 25/26), acadamos un récord histórico: 77 xabarís nos primeiros catro días. Un dato que sorprende, sobre todo despois de anos de certa baixadanas cifras.
☀️ O factor do tempo tamén conta
Non é o mesmo comezar a cazar en agosto que en setembro. A calor afecta aos cans e aos cazadores, e tamén dificulta seguir os rastros cando hai pouca humidade. Por iso, comparamos as capturas nos mesmos fins de semana históricos (para ter un criterio máis xusto):
Tempada |
Xabarís capturados |
20/21 |
68 |
21/22 |
77 |
22/23 |
53 |
23/24 |
67 |
24/25 |
44 |
25/26 |
77 |
Como se ve, os números deste ano son moi positivos, e colócanse ao máximo nivel nos rexistros dos últimos tempos.
📅 Resumo ao final de cada tempada:
Aquí podes ver como foi a evolución xeral en número de capturas ao rematar cada tempada:
Tempada |
Xornadas |
Capturas totais |
Media por xornada |
20/21 |
19 |
286 |
15,05 |
21/22 |
18 |
317 |
17,61 |
22/23 |
20 |
282 |
14,10 |
23/24 |
16 |
208 |
13,00 |
24/25 |
18 |
268 |
14,89 |
A tempada 21/22 foi, ata agora, a máis produtiva en número total e media por xornada. Haberá que ver se este ano, coforte arranque que tivemos, conseguimos acercarnos a ese número de capturas.
🎯 En resumo...
O comezo da tempada 25/26 foi moi prometedor. Se seguimos nesta liña, estamos ante un ano excelente no Tecor Terra Chá. Iso si, como sempre, os números son os que son, pero cada cazador terá a súa lectura. As cifras fálannos dunha realidade; as sensacións, doutra... e aí é onde comeza o debate.