Tempada de xabaril no Tecor Terra Chá: Crónica dun ano de récords
A tempada de caza do xabaril no Tecor Terra Chá botou o peche deixando tras de si unhas cifras que invitan á reflexión e, sobre todo, ao recoñecemento do traballo ben feito no monte. O que en setembro comezou como unha serie de sensacións positivas e lances para o recordo, acabou confirmándose como unha das campañas máis eficientes da nosa historia recente.
📈Unha tempada de bo nivel e lances para o recordo
Este ano, os nosos cazadores non só gozaron dunha campaña activa en rastros e capturas, senón que tamén se consolidou un cambio de enfoque: o desfrute do lance.
As batidas no noso Tecor son un esforzo de equipo onde cada peza é para disfrutar. Sen cans non hai levantes, e sen tiradores non hai disparos. Cada membro da cuadrilla desde quen vibra co latir do can ata quen mantén a tensión no parado sumamos para acadar un resultado colectivo excepcional.
A realidade desta modalidade é clara: para que o tirador viva máis lances, é preciso que haxa levantes abondos. E este ano, os levantes non faltaron.
🔢 Os números non enganan: O récord da eficiencia
Cando analizabamos os primeiros dous meses de tempada, xa se intuía un aumento de capturas, pero o balance final é o que realmente pon as cousas no seu sitio.
- 307 xabarís capturados
- 14 xornadas de caza
- Media de 21,93 capturas por xornada, a máis alta da historia deste tecor
Evolución por tempadas
Tempada |
Capturas Totais |
Xornadas |
Media capturas/xornada |
20/21 |
286 |
19 |
15,05 |
21/22 |
317 |
18 |
17,61 |
22/23 |
282 |
20 |
14,1 |
23/24 |
208 |
16 |
13 |
24/25 |
268 |
18 |
14,89 |
25/26 |
307 |
14 |
21,93 |
📍 O mapa do éxito: As manchas protagonistas
A distribución das capturas por zonas amosa como se moveu a caza este ano. Algunhas manchas destacaron polasúaprodutividade, mentres que outrasforonmáis discretas debido a factores como a presenza do lobo, o desprazamento das manadas nómadas ou, simplemente, a sorte. Son variacións naturais nunha especie altamente móbil e condicionada polo entorno coma é o xabaril.
As máis produtivas esta tempada foron:
- Molareda: 44 capturas, como cada ano dende que temos rexistros
- Xermar: 40
- Muimenta: 37
Zonas que se converteron en auténticos criadeiros, permitindo xornadas memorables para varias cuadrillas.
As máis discretas nesta ocasión foron:
- A Lagoa: 18 capturas, tendencia habitual últimamente nesta mancha
- Viladonga: 20
- Álvare: 26
Variacións naturais nunha especie altamente móbil e condicionada polo entorno.
🔍 Reflexión final: ¿“Acabamos con eles”?
Cada ano, sen excepción, escóitase a mesma frase nas tabernas: “Este ano sí que acabamos con eles”. Sen embargo, os datos do Tecor Terra Chá desminten esta percepción. A poboación mantense forte, mesmo coa presión cinexética exercida estas tempadas pasadas.
Este equilibrio débese a varios factores:
- Unha meteoroloxía favorable, sen apenas xornadas suspendidas por choiva
- Mellor coordinación nas cuadrillas e uso de cans de rastro
- Un ciclo reprodutivo especialmente positivo na zona, debido ao abundante alimento coa sementeira de millo e a climatoloxía suave na comarca
De todas maneiras, este fin de tempada deixa una reflexión distinta ás pasadas: hai un sentir xeral de que quedaron suficientes animais para garantizar unha estabilidade poboacional para a cría, con vistas a una satisfactoria próxima tempada
🏁 Peche de tempada
Pechamos a campaña con 307 motivos para estar satisfeitos. Para o labrego sempre haberá moitos; para o cazador, nunca serán suficientes. Pero a realidade é que o equilibrio no Tecor Terra Chá goza de boa saúde.
Agora toca deixar descansar o monte e os cans, coa vista posta xa na pos tempada, época de adestramento dos nosos fieis compañeiros, alá a partir de marzo cando remate a tempada xeral nos tecores vecinos.