Cetreiros na Terra Chá: Unha fin de semana de voo e paixón pola natureza
Durante esta fin de semana celebrouse no Tecor Terra Chá o XXII Campionato Galego de Cetraría Xunta de Galicia, organizado pola Federación Galega de Caza (FGC) xunto coa Sociedade Galega de Cetraría. Un evento que reafirma a aposta decidida desta sociedade pola integración e promoción desta arte milenaria de caza, que combina respeto pola natureza, técnica e tradición.
O Tecor Terra Chá, que xa acolleu as últimas edicións do campionato, conta con 300 hectáreas de uso exclusivo para a práctica da cetraría, con soltas periódicas de especies cinexéticas e acceso total aos terreos durante a tempada oficial. Esta iniciativa, única en Galicia, representa un compromiso firme coa comunidade cetreira galega, ofrecendo espazos seguros e adaptados para o desenvolvemento da actividade.
📅 Un programa completo para amantes da cetraría
O venres arrancou coa recepción das persoas participantes, entrega de dorsais e a presentación oficial do campionato, a cargo da alcaldesa de Vilalba, Marta Rouco Seoane, quen amosou unha implicación activa na organización de eventos que poñen en valor a natureza e a cultura cinexética da comarca.
O sábado, desde primeira hora, comezou a competición, ofrecendo lances espectaculares que fixeron as delicias tanto de participantes como do público asistente. As aves demostraron unha gran destreza na captura de pombas, perdices e codornices, nun ambiente de respeto e admiración pola técnica e beleza dos voos.
Pola tardiña, na Casa da Cultura de Vilalba, tivo lugar a conferencia “Corenta anos de azor no Morrazo”, impartida por José Manuel Fernández, biólogo da Universidade de Alcalá. Unha charla amena e enriquecedora que permitiu afondar na historia e evolución da cetraría en Galicia.
🏆 Resultados da competición
O domingo celebrouse a final das distintas modalidades, resultando gañadores:
🎉 Clausura e agradecementos
A entrega de premios contou coa presenza de Luis Eusebio Fidalgo Álvarez, presidente da FGC, e Francisco González García, presidente da Sociedade Galega de Cetraría. Desde o Tecor Terra Chá queremos expresar o noso agradecemento a ambas entidades por confiar en nós para acoller este fermoso campionato e outras actividades que contribúen a visibilizar e fortalecer a cetraría galega.
Seguimos voando alto, con orgullo e compromiso coa nosa terra e coas persoas que fan da cetraría unha arte viva.
